Cyngor Tref Cydweli

Swyddfa’r Cyngor, Hillfield Villas
Cydweli, Sir Gaerfyrddin. SA17 4UL
Ffôn: 01554 890203
e-bost: towncouncil@kidwelly.gov.uk

Atyniadau

Castell Cydweli Castell Cydweli yw un o gyfrinachau gorau Cymru. Wedi’i adeiladu ar ddibyn serth uwchlaw Afon Gwendraeth mae’n adlewyrchiad o’r canol oesoedd. Mae mewn cyflwr eithriadol o dda ac mae’r porthdy deu-d?r anferth bron â chyrraedd ei uchder gwreiddiol.
Priordy ac Eglwys y Plwyf y Santes Fair Fe’i hadeiladwyd oddeutu 1320 yn Briordy Benedictaidd cyn y Diwygiad. Bernir mai’r t?r syml â’i feindwr urddasol yw nodwedd bensaernïol fwyaf nodedig yr adeilad cyfan.
Amgueddfa Ddiwydiannol Cydweli Canolfan sy’n diogelu a dehongli’r broses draddodiadol o wneud tun â llaw. Cyfle i’r cyhoedd gael mynediad i weithiau llaw.
Glan yr Afon a'r Lladd-dy Yn y cyfnod y defnyddiwyd y lladd-dy morfa heli oedd yr ardal sydd bellach yn cael ei adnabod fel y warchodfa natur leol yng Nglan yr Afon. Mae adroddiad diweddar gan yr Ymddiriedolaeth Archaeolegol leol, Cambria, yn dangos bod nodweddion unigryw iawn yn perthyn i’r adeilad nas gwelir mewn unrhyw adeilad arall yn Ne Cymru.
Camlas Kymer Yn 1766 a 1788 adeiladodd Thomas Kymer ddoc a chamlas tair milltir o hyd i gludo glo o’i byllau glo ger Carwe. Mae darn sylweddol o’r gamlas hanesyddol hon wedi cael ei glanhau ac mae rhan o’r hen gei wedi cael ei ailadeiladu.
Y Cei Dirywiodd  y dref yn y 16eg ganrif a hynny’n bennaf gan fod Aber y Gwendraeth yn llenwi gyda llaid. Fodd bynnag adfywiwyd y dref yn y18fed ganrif pan ddechreuwyd allforio glo o Gymoedd y Gwendraeth. Adeiladwyd iardiau glo a glanfeydd ar hyd glannau’r afon islaw’r dref a sefydlwyd iard adeiladu llongau ar y safle lle saif y Capel Methodistaidd Saesneg heddiw.
Cae Rasio Ffos Las Dyma’r cwrs rasio newydd cyntaf ym Mhrydain ers 80 o flynyddoedd.  Bydd y prosiect hefyd yn datblygu’n ganolfan ragoriaeth genedlaethol ar gyfer marchogaeth drwy gynnwys cyfleusterau ymarfer, cylchoedd ar gyfer neidio a hyfforddi ceffylau, cyfleusterau pwynt-i-bwynt a chyrsiau gornestau. Mae’r cae  rasio yn cynnwys trac hirgrwn 1 milltir a 4 ystaden o hyd sy’n gallu darparu ar gyfer rasio dros y clwydi a rasio ar y fflat.
Canolfan Rasio Moduron Pen-bre Mae Pen-bre yn darparu cyfleusterau rasio ar gyfer ceir, beiciau modur, certiau a thryciau.  Caiff ralïau a sbrintiau eu cynnal yma hefyd . Yn ganolfan ddelfrydol ar gyfer gweithgareddau rasio ceir gan dimau a chyrff corfforaethol mae yma nifer o ysgolion dysgu rasio.
Parc Gwledig Pen-bre Mae Parc Gwledig Pen-bre wedi’i leoli rhyw 3 milltir o Gydweli. Mae’r 300,000 o ymwelwyr sy’n cael eu denu yma bob blwyddyn yn mwynhau heddwch a llonyddwch coedwig Pen-bre a’r traeth saith milltir o hyd yng Nghefn Sidan. Mae’n Barc Gwledig glan môr godidog lle gallwch fwynhau’r traeth, mannau picnic yn y coetir, llethr sgïo sych, marchogaeth ceffylau, tir hwylio, cyfeiriadu, paraesgyn, mini-reilffordd a grin pytio.
Canolfan Ymddiriedolaeth Adar y Gwlyptir - Penclacwydd Sefydlwyd yr Ymddiriedolaeth gan y naturiaethwr diweddar, Syr Peter Scott, yn 1946 yn Slimbridge, Swydd Caerloyw. Mae Canolfan Penclacwydd yn ymestyn dros ryw 200 erw o forfeydd heli lle mae rhannau wedi’u dynodi yn barthau o ddiddordeb gwyddonol arbennig. Mae yma gyfleusterau heb eu hail sy’n cynnwys rhodfeydd penodol, cuddfannau, golygfeydd godidog o’r aber, deorfa, canolfan ymwelwyr a siop goffi. Caiff ei chydnabod yn ardal o bwysigrwydd rhyngwladol i adar hirgoes.