Mae Cydweli wedi gefeillio â St Jacut de la Mer yn Llydaw. Mae St Jacut yn dref fechan braf arfordirol nepell o borthladd St Malo. Dechreuwyd y berthynas rhwng y ddwy dref yn 2006 gyda'r nod o wella dealltwriaeth rhwng gwahanol ddiwylliannau ac ieithoedd. Arwyddwyd y Siarter ar ochr yma'r Sianel yng Nghastell Cydweli yn 2008 gan Feiri'r naill dref. Mae'r berthynas wedi llewyrchu gyda channoedd o drigolion wedi cael blas ar brofiadau newydd a chwrdd â chyfeillion newydd. Mae'r ymweliadau cyfnewid cyson yn cynnwys pobl o bob oedran ac o gefndiroedd gwahanol gan gynnwys disgyblion ac athrawon o ddwy ysgol gynradd tref Cydweli.
I ddarllen rhagor am Gymdeithas Efeillio Cydweli, cliciwch fan hyn.